قصيدة في حب " فاطمة"

قصيدة حب من وحدة اعرفها
ماشاء الله عليها
كتيتها عن حبيبتها فاطمة :-)
اتمنى تعجبكم و اكيد كل فطوووم بتستانس لووول

في البداية لمحت عيونها جيّتي ... وجذبتني عيونها بسحر نظرتهــــــا
كنت مرتبك وساكت وعلى قعدتي ... وما قلت شي وبسكوتي انتظرتهـــا
فجأة قالت (شلونك) وتاهت نظرتي ... وربكتي زادت من بعد كلمتهــــا
بهدوء قلت (بخير) وكملت بقلبي (يا حلوتي)... لأن الجمال فيها سابق طلتها
كنت أعاتب نفسي على ربكتي ... واقول في قلبي يا زين ضحكتهـــا
وكنت اقول في قلبي (يا وهقتي) ... وشلون برد على كلمة قالتـهـــــا ؟
قلت لقلبي (قول عني كلمتي) ... لأنه لساني انربط بعد بـسـمـتـهـــا
وحروفي انحبست ما بين شفّتي ... واستحت تطلع قبل حروف شفّتها
لقيت السكوت أحسن وهذي (لعبتي) ... بس جننتني باحساسها ورقتهـــا
لكن طلعت من سكوتي وثبتّ خطوتي ... واخترت احلى كلام وكلمتهـــا
وكل هذا كان بدايـــة قـــصـــتــــي ... مع فاطمة اللي عيوني حـــبتهــا
قبل كنت اخاف ظلام لــيـــلـتــــي ... لـــكــنها بنورها نــــوّرتــهـــــا
تعلمت اخفي مشاعري بعد صدمتي ... من انسانة بكل بساطة ما قدّرتهــا
لكن فاطمة قدّرت حتى بــســمــتـي ... وقبل ما أقول كلمتي تكون فهمتها
والحين بخاطبها بــقــصيدتـــــــي ... وقدام كل البشر بوصف معزّتها
يا ترى انتي بشر ؟؟؟ (ماظنتــي) ... انتي في دنيا البشر أميرتـــهـــــا
وانتي في قلبي ( حـــبــيــبـــتــي) ... ومن غيرك تسرقني بمحبتها ؟؟
مثلك ما شفت أبــــد بــدنــيــتـــي ... وأي ملكة جمال انتي عـمّــتـــها
ما يهموني الناس ولا حتى عشيرتي ... انتي اللي عيوني اختارتـــهـــــا
اي أحبك وأعشقك حـــبـــيـــبــتـــي ... انتي شمس دنياي وانتي شمعتها
واللي يسألني عنك بقول (عشيقتي) ... وبقوله هذي اللي بقلبي سكّنتهــا
وما يكفي قلبي غير لـحبـيـبـتـــــي ... ومافي شخص يوصل مكانتهـــا
ودي كل لحظة أقول اسمك (فطومتي) ... لأن كل كلمة حب انتي معناتها
واذا بتعرفــيــن شــنــهــي أمــنــيــتي ... إني ما أكتب لقصتنا نهايتهــــا
واذا تركتينــي بـكـتـب وصــــيـــتــي ... وما راح ألاقي صعوبة بكتابتها
وبرســـم للــــعـــــذاب خـــريــطـتي ... وبرضى بالعذاب حسب خطواتها
الله لا يجيب هاللحظة بـســاعــتـــي ... ومعاك تحلى دنياي وتزيد فرحاتها
الـحين أقدر أخـتــم قــصــيدتـــــــي ... وأتمنى تكون عجبت فاطمة أبياتها

و بس
اتمنى تعجبكم و هالله هالله بردودكم حبايبي
:-)
قصيدة في حب " فاطمة" 820384

واااااااااااااااااااااااااااااااااااااااااااااو
خيآآآليه صراحه
القصيدهـ حيل وربي عجبتني
وايد وايد حلوهـ
ابدآآآع..
وياحظج يا فطوم لول .. Smile

ششششكرآآ ع الموضوع يا عسسسسل
هداوي

واااي فديتج منووورة و اي و الله يا بخت كل فطووم
هع
:]
و بعد هذه اهداء منب للعسل فطوم
قصيدة في حب " فاطمة" 820384

يا حظها فاطمة
لووووووووووولز
مشكورة يا اسوم على القصيدة الروعة صج عجبتني

وااااااااااااااااااااااااااااااااااااااااااااااااو

القصيده تينن ثينكس حبيبتي على الطرح

حبيبتي اسومه

تقبلي مروري

» لـ حمـآية جهـآزكـ مـن الـ"هـكـر" لـديـك "نورتن 2009 و 2009 للتـحمـيل (مـجـهـود خـآص)
» قصيدة تهـــــــــــــــزك لــــــــــــــــو قلبـكــــ حجـــــــــــــــر
» خذ مني قصيدة شوق_
» قصيدة طلال الخضر في حفل الإئتلافية
» واحد كره حبيبته وكتبلها قصيدة شعر